Skandali, Endri Çekiçi nuk mori vizën për në Irlandën e Veriut

0

Edhe një herë, del në dritë një problem që Shqipëria e vuan prej dekadash, por na dukej se e kishim lënë pas. Endri Çekiçi nuk mundi të udhëtonte me skuadrën për në Irlandën e Veriut, për shkak se nuk arriti të merrte vizën. Zakonisht autoritetet britanike janë shumë të ashpra dhe strikte, duke hapur probleme pa fund, por në rastin e Çekiçit nuk ka ndonjë logjikë mosdhënia e vizës. Zakonisht probleme hapen për lojtarë me precedentë penalë, sado të vegjël qofshin, por Çekiçi nuk dihet të ketë problem të tillë. Nëse është problem i Federatës Shqiptare të Futbollit, historia ndryshon, por zor se është ky variant, pasi zyrtarët e FSHF-së kanë goxha eksperiencë në këtë drejtim. “Sport Ekspres” u mundua të zbulonte arsyen reale të mosdhënies së vizës, por informacioni i ofruar nga Federata ishte vetëm që viza nuk iu dha mesfushorit të talentuar, ndërsa askush nuk dinte arsyen.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image