Gjirokastritët e kanë kthyer në një detyrim kualifikimin në turin e parë të Europa League, pasi u njohën me shortin, që u tregua shumë bujar. Skuadra e teknikut Millos Kosti do të sfidojë Ventspilsit e Letonisë në raundin e parë, por në turin tjetër i pret një mision gati i pamundur, pasi nëse avancojnë do të përballen me francezët e Bordosë. Gjithsesi, fillimisht duhet të bëjë mirë në turin e parë.
Gjatë qëndrimit të Slloveni, ku ekipi po zhvillon fazwn përgatitore, skuadra ka programuar dhe një sërë ndeshjesh miqësore. Luftëtari ka arritur të marrë fitore në 2 testet e para, saktësisht me sllovenët e Aluminijt (2-1) si dhe me maqedonasit e Rabotniçkit (3-1). Sot bluzinjtë do të zhvillojnë dhe ndeshjen e tretë miqësore, këtë radhë me një skuadër nga Rumania, Voluntarin. Bëhet fjalë për një skuadër që e ka siguruar qëndrimin në elitën e futbollit rumun vetëm pas ndeshjeve të “play-off”-it. Ndeshja është programuar për t’u zhvilluar në orën 17:00.
Ndeshjet miqësore tw Luftëtarit
Luftëtari – NK Aluminij 2-1
Luftëtari – Rabotniçki 3-1