Korabi “ciklon”, zyrtarizon edhe 6 lojtarë

0

Korabi ka qenë një ndër klubet më aktivë në merkaton dimërore, sepse ka ndërruar trajner dhe ka rindërtuar thuajse nga e para skuadrën.

Pas barazimit ndaj Vllaznisë B në fundjavë në Shkodër, skuadra dibrane është përforcuar sërish, sepse ka zyrtarizuar sot 6 futbollistë.

Në portë është afruar edhe Elio Beshiri, pavarësisht se janë Ted Laço dhe Endrit Prençi.

Në mbrojtje është afruar 17-vjeçari Ergys Selishta, nga Shkëndija e Tiranës.

Në mesfushë është arritur marrëveshja me me 19-vjeçarin Geraldo Hysi, edhe ky nga Shkëndija e Tiranës, si dhe me Fabion Ibron.

Në sulm janë afruar dy futbollistë, sepse kanë firmosur Marsid Kurtulaj, ish-Tërbuni, i cili ishte në stol që të dielën në Shkodër, si dhe 21-vjeçari Kleo Fejzaj, i cili në fazën e parë luajti për Bylisin.

Ndërkohë, mbrëmjen e djeshme u arrit marrëveshja me Egnatian për të marrë qendërmbrojtësin Briken Doçi, i cili në Rrogozhinë nuk luajti asnjë ndeshje kampionati në formacion, ndaj ka vendosur të kthehet te Korabi.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image