Është luajtur java e parafundit në Bundesligën gjermane dhe ka pasur rezultate të befasishme, në krye e në fundin e tabelës.
Sytë ishin te gara për mbijetesë dhe tek Hamburgu, klubi i vetëm që ka luajtur gjithnjë në Bundesligë, që prej themelimit të saj.
Të rizgjuar në javët e fundit, veriorët duhej të fitonin në Frankfurt dhe të shpresonin te gabimet e rivalëve. U realizua gjysma e llogarive, sepse rivalët e Hamburgut, Volfsburgu e Frajburgu, u mundën, por nga ana tjetër vetë Hamburgu u shpartallua në Frankfurt 3-0.
What an afternoon in the #Bundesliga ? pic.twitter.com/G5cSD2wOr4
— Bundesliga English (@Bundesliga_EN) May 5, 2018
Në këtë mënyrë, rënia është thuajse e sigurt, sepse tashmë Hamburgu duhet të fitojë ndeshjen e fundit dhe të lutet që Këlni i rënë të fitojë në Volfsburg.
Në fund, si ogur i zi, tifozeria e Frankfurtit i tregonte edhe një orë me shifrat 00.00.00 Hamburgut, duke i dhënë sinjal që ora që nuk ndalet kurrë në Hamburg dhe simbolizon kohën në Bundesligë, tashmë duhet të zerohet.
One game to go… ? pic.twitter.com/hddQXOoJ6E
— Bundesliga English (@Bundesliga_EN) May 5, 2018