Australia zyrtarizon trajnerin, nuk është De Biazi

0

Federata Australiane e Futbollit më në fund ka zgjedhur trajnerin e ri dhe është kthyer te emrat e huaj, sepse ka firmosur me holandezin Bert van Marvejk, i cili do të qëndrojë të paktën deri në përfundim të Kupës së Botës.

Trajneri 65-vjeçar ka fituar garën me një numër emrash të njohur, duke nisur nga Slaven Biliç, Jyrgen Klinsman e Xhani De Biazi, me ish-trajnerin e Shqipërisë që pati edhe një takim me drejtuesit e federatës australiane.

Me sa duket, Van Marvejk është përzgjedhur edhe për faktin se ka pranuar një kontratë disa-mujore, ndërsa për zgjatjen e saj do të flitet vetëm pas përfundimit të aventurës botërore.

Van Marvejk ecën në gjurmët e bashkëkombasve të vet Gus Hidink e Pim Ferbek, të cilët kanë drejtuar në të shkuarën Australinë. Eksperienca nuk i mungon Van Marvejkut, i cili drejtoi Holandën në Botërorin 2010 dhe së fundi kualifikoi Arabinë Saudite për në Kupën e Botës, me një ecuri të shkëlqyer.

Në Kupën e Botës Australia do të debutojë kundër Francës, ndërsa më pas do të ndeshet me Danimarkën dhe Perunë.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image