Milani e mbylli sezonin duke mos i përmbushur objektivat dhe duke mos arritur kualifikimin për në Champions League. Për këtë arsye, i pari që u largua nga kuqezinjtë ishte drejtori Leonardo.
Braziliani la postin e drejtorit teknik dhe tashmë duket se do të kalojë në radhët e PSG-së. Lajmi ka ditë që përflitet dhe së fundmi, nga mediat ka ardhur edhe konfirmimi.
Leonardo do të firmosë në ditët e ardhshme me parizienet, ku do të marrë postin e drejtorit teknik. Për brazilianin do të jetë një rikthim te kryeqytetasit francezë, pasi e ka pasur edhe më parë një post të tillë.