Zyrtare /  Reali rikthen Marianon, por çfarë biznesi gjenial nga Lioni

0

Mariano Diaz është sërish një lojtari i Real Madrid. Sulmuesi i lindur në Republikën Domenikane ka qëndruar vetëm një sezon larg ekipit ku është formuar si lojtar. 25-vjeçari u shit sezoni e shkuar te Francezët e Lion, ku zhvilloi një sezon fantastik me 18 gola në 34 ndeshje të kampionatit francez.

Si pjesë e marrëveshjes midis dy klubeve, Reali kishte të drejtë të barazonte ofertën më të lartë që do të vinte për lojtarin. Kosto totale e rikthimit të Marianos në Madrid është 33 milionë euro. Një biznes i shkëlqyer nga ana e klubit francez, që e bleu kartonin e sulmuesit për vetëm 8 milionë euro 12 muaj më parë.

Mariano do të jetë sulmuesi i dytë i madrilenëve. Por, nuk përjashtohet mundësia që ai të sigurojë një vend titullari nëse arrin të bind trajnerin Hulen Lopetegui, megjithëse është thuajse e pamundur të lësh në stol një sulmues si Karim Benzema, i cili luan në formacionin e “Los Blancos” prej 9 sezonesh.

You might also like
Leave A Reply

Your email address will not be published.