Liria e Prizrenit vazhdon të bëjë pazar në Shqipëri. Trajneri debutues Bledi Shkëmbi duket se kërkon të afrojë sa më shumë lojtarë nga Superiorja, të cilët i njeh më mirë se ata që gjen te Liria, ndërkohë që nuk e njeh tregun kosovar.
Për këtë arsye, ish-kapiteni i Skënderbeut ka piketuar edhe mbrojtësin Elton Basriu, i cili ka firmosur sot dhe Sport Ekspres mëson se do të prezantohet nesër.
Mbrojtësi nga Elbasani ka goxha eksperiencë në Superiore dhe në Kategorinë e Parë, ndërsa në sezonin e fundit ishte titullar te Kamza, duke dhënë një kontribut të madh për ngjitjen në Superiore.
Më parë, edhe Jetmir Sefa, Endri Vrapi, Kristi Kote e Artur Magani kanë pranuar ofertën e Lirisë dhe janë prezantuar.