VIDEO | Pogradeci i fortë, Besa ndalet mes baltës

0

Besa mbetet e para në grupin B të Kategorisë së Parë, por nuk e ka ruajtur diferencën me Bylisin ndjekës. Verdhezinjtë kanë barazuar 1-1 në shtëpi me Pogradecin, që gjithashtu është një ekip që renditet në vendet e sipërme të renditjes.

Për kavajasit nuk mund të niste më mirë, pasi që në minutën e tretë ishte Ndraxhi i cili shënoi golin e avantazhit për Besën. Në një fushë që nuk ofronte kushtet më të mira për lojë për shkak të reshjeve, Pogradeci u përpoq të barazonte dhe kishte iniciativën pas pësimit të golit.

Gjithsesi pjesa e parë u mbyll me avantazhin minimal të Besës. Në të 63’ Pogradeci fitoi një penallti. Shkulaku u pengua në zonë nga portieri vendas dhe Jahaj nga pika e bardhë e 11-metërisht nuk gaboi.

Momenti i fitimit te penalltise nga Hermes Shkulaku dhe realizimi i golit nga Sajmir JahajBesa 1-1 Pogradeci

Gepostet von KF.Pogradeci am Sonntag, 25. November 2018

Ky gol ishte vendimtar, pasi i dha një pikë skuadrës së Pogradecit. Besa mbetet e para dhe numëron 21 pikë të grumbulluara deri më tani, një pikë më shumë se Bylisi ndjekës. Liqenorët renditen në vendin e tretë, me 16 pikë.

Kategoria e Parë – Java 10

E diel, më 25 nëntor 2018, ora 14:00
Besa-Pogradeci 1-1
Shënues:
Ndraxhi 3’ / Jahaj 63’ (pen.)

You might also like
Leave A Reply

Your email address will not be published.