Rexhinaldo u zëvendësua vetëm pak sekonda para fundit të ndeshjes me Kamzën, por ishte jo pak nervoz. Ndonëse u ndëshkua me karton të verdhë, pasi po vononte lojën, kur doli jashtë fushe nuk e pranoi përgëzimin e teknikut Cungu.
Një moment jo i mirë, kjo për faktin se skuadra po fitonte 0-2. Kjo ngjarje nuk i shpëtoi kamerave, të cilat e fokusuan momentin kur sulmuesi ishte jo pak i nervozuar. Kjo situatë mund të marrë për keq në kampin verilindor, pasi mund të prishet qetësia në skuadër.
Trajneri, në fund të ndeshjes në “Supersport” veçoi se ai episod ishte një keqkuptim dhe se situata ishte normalizuar.