Ish-sulmuesi i Tiranës, Mervejl Ndokyt u transferua te Barcelona B në muajin janar, me katalanasit që i besuan dhe siguruan shërbimet e tij nga skuadra tjetër spanjolle e Getafes. Marveil u aktivizua sot në takimin e Barcelonës B kundër Levantes B në minutën e 68’, kur ndeshja ishte 2-2.
Në minutën e 79-të, kongolezi i jep avantazhin Barçës me një gol shumë të bukur. Një harkim nga e majta përfundon në këmbët e tij, por Mervejl ka ende shumë punë për të bërë. Një stopim perfekt i topit me të djathtën dhe një e majtë e hidhur: Kaq mjaftoi që sulmuesi të shënonte dhe t’i jepte fitoren katalanasve.