Kilian Mbape u ndëshkua me të kuqe për herë të parë në karrierën e tij gjatë ndeshjes së javës së kaluar ndaj Nimesit. Incidenti ndodhi në minutën e fundit të takimit, teksa 19-vjeçari po vraponte drejt portës kundërshtare dhe më pas një ndërhyrje me qëllim nga mbrapa nga kundërshtari bëri që Mbape të mos i përmbante nervat dhe t’i sulej lojtarit të skuadrës vendase.
Fatmirësisht situata nuk u acarua më shumë dhe pati vetëm një të shtyrë nga talenti francez, por kaq ka mjaftuar që komisioni i disiplinës pranë federatës franceze të vendosë tre ndeshje pezullim për 19-vjeçarin, si dhe pesë ndeshje pezullim për lojtarin që shkaktoi faullin e rrezikshëm.