Fiorin Durmishaj është rikthyer te goli. Sulmuesi 21-vjeçar ka realizuar golin e tretë në takimin Panionios-Panetolikos, që u fitua me rezultatin 3-0 nga skuadra e sulmuesit shqiptar. Një javë më parë lojtari i Shpresave asistoi, ndërkohë që tanimë ka ardhur goli.
Durmishaj nuk realizonte në kampionat që prej ndeshjes së 30 shtatorit, kur Panionios luante në transfertë me Apollon Smirnis dhe fitonte me dy golat e realizuar nga sulmuesi shqiptar. Ai pret tanimë një ftesë nga kombëtarja e madhe. Deri më tani sulmuesi ka luajtur vetëm me Shpresat dhe trajneri Panuçi duhet ta hedhë një sy nga ai.