Atletiko e Madridit vazhdon garën në dy fronte: kampionat dhe Champions Ligë. Një gjë e tillë kërkon një kontingjent të pasur me lojtarë kualitativë për Diego Simeonen dhe drejtuesit po punojnë për ta bërë një gjë të tillë.
Ata kanë një objektiv për mesfushën, qa zbulohet nga mediat argjentinase. Sipas “Radio Continental”, Ateltiko është vënë në ndjekje të Matias Zarakos, mesfushorit të talentuar të Racing Klub.
20-vjeçari luan në rolin e mesfushorit ofensiv, ndërsa bën mirë dhe në krah. Zarako cilësohet si një nga premtimet më të mëdha të futbollit argjentinas dhe po monitorohet nga disa klube të ndryshme europiane, por Atletiko dëshiron ta mbyllë sa më shpejt marrëveshjen për t’i dhuruar trajnerit Simeones një përforcim për të tashmen dhe të ardhmen.