Serena Uilliams çuditi të gjithë botën e tenisit me veshjen që kompania e njohur “Nike” kishte përgatitur për të gjatë turneut francez “Roland Garros”. Një kostum tërësisht i zi, që i qëndronte krejtësisht i ngjitur me trupin e legjendës së tenisit.
Por, kreu i turneut francez, Bernard Xhiudiçeli, ka ngelur disi i pakënaqur me veshjen e amerikanes dhe në të ardhmen. Në një intervistë për mediet franceze ai tha: “ Çdo gjë e ka një limit. Veshja që përdori Serena në turneun e shkuar, nuk do të lejohet në të ardhmen. Loja, njerëzit dhe kompeticioni duhen respektuar”, tha presidenti i turneut.
