Virxhil Van Dijk është padyshim ndër mbrojtësit më të mirë në botë dhe këtë e ka treguar në fushën e blertë. Holandezi ia ka dalë me Liverpulin e tij të fitojë Ligën e Kampioneve, ndërkohë që titullin kampion në Angli nuk e morën dot edhe pse regjistruan një rekord pikësh.
Nisur nga paraqitjet e bëra, ai listohet si një nga kandidaturat për të fituar “Topin e Artë”. Gjithsesi mbrojtësi sa që e çon nëpër mendjen, teksa pas finales me Totenhemin është shprehur se Lionel Mesi duhet ta marrë atë trofe.
“Mendoj se Mesi është lojtari më i mirë në botë dhe duhet të fitojë topin e Artë. Kështu unë nuk po mendoj për atë trofe. Gjithsesi, nëse e fitoj do ta marr. Ai është më i miri në botë, pavarësisht nëse është në finale apo jo”, është shprehur Van Dijk.