Pas fitores 2-0 kundër Interit, trajneri i Barcelonës Ernesto Valverde analizoi paraqitjen e skuadrës së tij, duke u munduar të ulë euforinë para El Clasico-s.
“Mungesa e Mesit? Ndihet gjithmonë, por do të kërkojmë që të luajmë dhe të fitojmë gjithnjë si sot, që mungesa e tij të kalojë me fitore. E kemi thënë gjithnjë, duhet të bëhemi të pavarur nga një lojtar. Nuk e lejuam Interin të luante lojën e vet dhe bëmë atë që kishim në plan para ndeshjes. Ishte një ndeshje e rëndësishme, e vështirë dhe e para pa Mesin. E gjithë bota ishte kurioze dhe besoj se treguam çfarë dimëë të bëjmë”.
Tashmë mendja tek El Clasico, në fundjavë: “Është një sfidë ku nuk ka rëndësi momenti dhe forma psikologjike, është një ndryshim total në aspektin emocional dhe nuk futemi në fushë duke menduar se jemi superiorë”.