Sot “Tifozat Kuq e Zi” festojnë 15-vjetorin e krijimit të tyre. Në një mbrëmje gala të organizuar nga vetë ata, nuk kanë munguar as personazhet e botës së sportit, të cilët e kanë ngritur lart emrin e vendit tonë në Europë e Botë.
Për të nderuar disa prej tyre, “Tifozat Kuq e Zi” kanë ndarë disa çmime. Një prej sportistë që ka bërë mjaft mirë këtë vit është Eklent Kaçi. 19-vjeçari nga Laçi është numri një në Europë dhe në botë në bilardo dhe sot është nderuar me çmimin “O Sa Mirë Me Qenë shqiptar”. Një çmim më se i merituar për të, i cili gjithnjë ka përfaqësuar vendin tonë në të gjitha kometicionet ndërkombëtare.
Po ashtu prezent është edhe kapiteni i Kombëtares Lorik Cana, i cili po ashtu ka marrë çmimin “O Sa Mirë Me Qenë shqiptar”, por njëkohësisht i ka premtuar se do të zhvillohet një ndeshje mes Shqipërisë dhe TKZ-së.