Sh.K.B. Tirana, siç quhet ndryshe klubi Tirana në basketboll për femra, vazhdon të kryesojë kampionatin, pas fitores së lehtë 90-56 ndaj Studentit. Gjithçka e thjeshtë, është e qartë që Tirana do të jetë pretendente e madhe për titull këtë sezon, ashtu si Flamurtari kampion.
Në Vlorë të shtunën u luajt një ndeshje inati, sepse Flamurtari priste Sh.B.Tiranën, klubin e formuar këtë sezon dhe që është futur direkt në elitë, kundër çdo rregulli e logjike.
Flamurtari fitoi 67-62, një hakmarrje e vogël për trajnerin Viron Toska, i cili ka kohë që polemizon me federatën për shkeljet në basketboll.
Vijon të befasojë Vllaznia, që mundi pa probleme 88-69 Elbasanin në Shkodër, duke marrë vendin e dytë në renditje.
Basketboll Femra, Kategoria e Parë
Java e 7-të
Të premten
Sh.K.B. Tirana – Studenti 90-56
Të shtunën, 24 nëntor
Flamurtari – Sh.B.Tirana 67-62
Vllaznia – Elbasani 88-69
RENDITJA
Sh.K.B. Tirana 14 pikë (7/0), Vllaznia 12 pikë (5/2), Flamurtari 11 pikë (4/3), Sh.B.Tirana 11 pikë (4/3), Studenti 8 pikë (1/6), Elbasani 7 pikë (0/7)