Në futboll ka gjithnjë futbollistë që shihen “shtrembër” nga tifozeria e skuadrës ku luajnë. Nivel i ulët, ndonjë gafë, ndonjë refuzim rinovimi apo shitjeje dhe… ofendime e sharje në ndeshje e stërvitje.
Një ndër shembujt konkretë është Andrea Ranokia, i kthyer tek Interi pas huazimit te Hall Siti në Angli.
Mbrojtësi nuk i ka mirë punët me tifozët dhe në grumbullimin e para pak ditëve një tifoz po e tepronte me ofendimet.
Trajneri Luçiano Spaleti nuk duroi dot, shkoi te tifozi dhe iu përgjigj ashpër: “Nëse vjen dhe menjëherë sillesh si idiot, më mirë ik pirdhu, mos na bezdis”.
” E duam shumë Interin, mister”, u përgjigj tifozi, por Spaleti iu përgjigj: “E kuptova, por mos na çaj tr***”.
Videoja është bërë tashmë një hit në rrjet.