Një rikthim te Teuta dhe në fakt ishte vetëm çështje kohe dhe zyrtarzimi, pasi edhe vetë trajneri Bledi Shkëmbi pat konfirmuar në një intervistë për “SportEkspres.com” se Erlis Frashëri do të ishte pjesë e durrsakëve në pjesën e dytë të sezonit aktual.
tanimë ka ardhur edhe njoftimi nga klubi i Teutës, që pret të bëjë edhe disa afrime të tjera në merkato. Frashëri është i pari afrim, kurse sa i takon largimeve zyrtare janë mbyllja e marrëveshjes me Arsid Krujën dhe Bojan Gjorgievskin.
“Klubi i futbollit Teuta njofton marrëveshjen me mbrojtësin Erlis Frashëri. Teuta ka zyrtarizuar afrimin e parë për këtë merkato. Klubi durrsak ka firmosur me Erlis Frashërin, mbrojtësin 30-vjeçar. Më parë, Frashëri ka luajtur me ekipin e Kamzës, ndërsa tek Teuta vjen për herë të dytë, pasi ka qenë pjesë e kësaj skuadre për dy sezone 2010-2012”, njofton klubi durrsak.