Kjo është anormale: PSG shpenzoi 222 milionë euro për t’i rrëmbyer Nejmarin Barcelons, duke tronditur futbollin dhe duke u tallur me rregulloret e UEFA-s. Mbaroi me kaq? As që bëhet fjalë!
Sot Marca raporton se klubi francez i sheikëve po mbyll blerjen e Kilian Mbapesë. Ylli i ri u futbollit botëror ka zgjedhur PSG-në, që ka marrë miratimin e Monakos për të biseduar për detajet e kontratës.
160 milionë euro në dorë dhe 20 milionë bonuse i shkojnë Monakos, një çmenduri, që tregon se futbolli ka ndryshuar, është thjesht biznes dhe askush nga FIFA e UEFA nuk e ka seriozisht kur thotë se duhen masa për të ndalur këtë çmenduri.