Napoli dëshiron Hames Rodrigez dhe kolumbiani dëshiron Napolin. Fantazisti kërkon me çdo kusht transferimin në Serie A dhe ribashkimin me Karlo Ançelotin, por në fund vendos Reali i Madridit.
Spanjollët zotërojnë kartonin e lojtarit latin, ndërsa Napoli e ka paraqitur ofertën e vet. 10 milionë euro për huazim 2-vjeçar dhe 27 milionë të tjera për blerjen e plotë.
Hamesin e pret një kontratë 5-vjeçare me një rrogë prej 6.5 milionë eurosh në sezon. “Nuk e di se ku do të luaj sezonin e ardhshëm. Për momentin mendoj vetëm për të bërë mirë në Kupën e Amerikës me Kolumbinë. Vendimi i së ardhmes nuk është në dorën time, por në dorën e Realit”, është shprehur 28-vjeçari, duke ia lënë topin në derë klubit madrilen.