Skuadra e Totenhemit është aktualisht pa stadium, pasi impianti i vjetër “White Hart Lane” po rikonstruktohet. Që prej dy vitesh, punimet kanë filluar që Totenhemi të ketë një stadium të ri, por ende nuk ka përfunduar.
Shumë data janë paracaktuar për hapjen e tij, por gjithmonë ka pasur ndonjë pengesë dhe është shtyrë. Punimet vazhdojnë ende, edhe pse flitej se ky stadium do të ishte gati para fillimit të këtij sezoni.
Aktualisht, Totenhemi i luan takimet në shtëpi në stadiumin kombëtare “Wembley”. Siç raporton “The Sun”, kësaj radhe ka një arsye shumë komike se pse është shtyrë hapja e stadiumit. Punonjësit e fushës kanë harruar të lënë hapësirën e mjaftueshme në një nga cepat e fushës, ku do të kryhet goditja nga këndi.
