Derbi Tirana-Partizani nis prej orës 18:00, ndërkohë që “SportEkspres.com” ka zhvilluar edhe një sondazh në “Facebook”. Tifozë të të dyja ekipeve, por edhe të tjerë, kanë votuar dhe me një epërsi të lehtë opinioni është krah Tiranës.
Është votuar përmes 1136 profileve dhe 53% (602 vota) e votuesve mendojnë se Tirana do të fitojë dhe në këtë mënyrë do të rikthehet te triumfi pas plot pesë vitesh. Pjesa tjetër mendon se të kuqtë do triumfojnë dhe do vazhdojnë rrugën drejt titullit kampion. Janë 534 vetë që kanë votuar për triumfin e skuadrës së drejtuar nga Skënder Gega.
