Klubi i Volfsburgut vendosi që shiriti i kapitenit për këtë sezon të Bundesligës të ngjyroset me ngjyrat e ylberit, një lëvizje kjo që shërben për të shfaqur mbështetjen e klubit ndaj komunitetit “LGBT”. Por, ky vendim nuk ka kaluar pa polemika.
I pari që ka dalë kundër këtij vendimi të klubit ka qenë talenti kroat, Josip Brekalo. Në një prononcim për çështjen, 21-vjeçari tha: “Jam rritur në një familje ku më janë edukuar vlerat e besimit kristian dhe ai shirit përfaqëson vlera të cilat besimi im nuk i lejon. Çdo kush ka të drejtë të bëjë zgjedhjet e tij, por nuk është nevoja të përdorin simbole speciale për këto gjëra”, tha sulmuesi.
