Kur kanë mbetur edhe rreth 6 orë nga takimi Tirana-Partizanit, biletat thuajse janë shitur të gjitha. Nga informacionet që vijnë nga biletaria e stadiumit, bëhet me dije se kanë mbetur edhe 800 bileta, të gjitha në sektorin C. Pjesa tjetër e biletave janë shitur.
Kapaciteti i stadiumit “Selman Stërmasi” kap shifrën e 8080 ulëseve dhe pritet që të jetë plot për derbin e sotëm. Sikurse kuptohet, janë shitur më shumë se 7000 bileta dhe pritet që grupimet ultras të të dyja klubeve kanë përgatitur koreografi interesante.
