Juve masakron Fiorentinën, atë që nuk kishte humbur ende në fushën e vet këtë sezon, ndërsa Kristiano Ronaldo firmosi rezultatin final 3-0, me një penallti në fundin e ndeshjes.
Nuk është se magjepsi portugezi, por sa herë prekte topin krijonte panik te Fiorentina.
Edhe pa top ylli i Juves ishte vendimtar, si në rastin e golit të Kielinit, ndërsa në minutën e 80-të erdhi zëvendësimi i parë sezonal, fundja edhe Ronaldo është njerëzor.
Fitorja në Firence, përballë një armiku të madh, ka shërbyer edhe për të vendosur emrin e vet në historinë e Juves për Ronaldon, sepse shënoi golin e dhjetë në kampionat.
10 gola në 14 ndeshjet e para të Serisë A, i fundit juventin që e kishte realizuar diçka të tillë në sezonin debutues ishte Xhon Çarls, në sezonin 1957/58.
Nëse te Reali Ronaldo ishte kthyer në sinonim rekordesh deri këtë verë, tashmë rekordet bardhezi po nisin të “gllabërohen” nga legjendari portugez.
? @Cristiano becomes the first debut-season Bianconero to net 1??0?? @SerieA goals after 14 games since the great John Charles in 1957/58 ??#ForzaJuve #CR7JUVE pic.twitter.com/jy5Pv2BW4c
— JuventusFC (@juventusfcen) December 1, 2018