Klaudio Ranieri do të zhvillojë të dielën kundër Parmës ndeshjen e fundit në drejtimin e Romës. Verdhekuqtë kanë negociuar gjatë kësaj kohe me shumë emra të rëndësishëm, por më në fund e kanë bërë zgjedhjen e tyre.
Xhan Piero Gasperini është dëshira e madhe për stolin. Roma ka bërë një ofertë zyrtare në drejtim të trajnerit të Atalantës: 3 vite kontratë me një rrogë prej 3 milionë eurosh në sezon.
Gasperini tundohet nga ideja për të drejtuar Romën, ndërsa gëzon edhe ana financiare. Atalanta mund të vendosë t’i rrisë rrogën në kontratën që i përfundon në vitin 2021, por 61-vjeçari synon që të transferohet në pjesën verdhekuqe të kryeqytetit italian.