Renato Arapi në verë u largua nga Boluspor dhe pranoi ofertën e Afjet Afjonspor. Gjërat aty nuk shkuan mirë, pasi mbrojtësi durrsak luajti vetëm tetë ndeshje. Ato i zhvilloi të plota, por në klubin turk nuk kanë munguar as problemet financiare.
Nisur nga situata e krijuar atje, Arapi e ka shkruar në daljet e tij mediatike se dëshiron të largohet. Kontrata duhej zgjidhur dhe Teuta është klubi që e pret. Mbrojtësi, që luan në të majtë dhe në qendër ndodhet momentalisht në Durrës.
Ai ka postuar edhe një foto nga Spitali Rajonal i këtij qyteti, çka ka bërë që edhe të nisin edhe aludimet e para. Vallë gjithçka është mbyllur dhe Arapi tanimë do të jetë pjesë e Teutës? Mbetet për t’u parë. Klubi turk ende nuk e ka njoftuar largimin e 32-vjeçarit.
