Edi Reja u zyrtarizua pak kohë më parë si trajneri i ri i kombëtares sonë, me italianin që ka shumë eksperiencë, sidomos në vendin e tij.
I intervistuar së fundmi nga presigjiozja “Corriere dello Sport”, Reja foli për shumë tema, ku ndër të tjera u pyet edhe për kombëtaren e Shqipërisë si dhe për Elseid Hysajn, i cili luan te Napoli, një klub që trajneri e ka drejtuar më parë dhe ka një lidhje të fortë.
73-vjeçari tha se ishte një kënaqësi që vijon të jetë në stol dhe se kjo gjë i bën mirë dhe për shëndetin. Gjithashtu, Reja shtoi se besimin që i ka dhënë Shqipëria, shpreson t’ia shpërblej me rezultate pozitive.
PANKINA E SHQIPËRISË – “Më bën të ndihem i mirë dhe mendoj se më bën mirë dhe për shëndetin. Gjithashtu, më jep dhe kënaqsi dhe sadisfaksion. Propozimi i papritur i Shqipërisë ka qenë një vlerësim i mëtejshëm për atë që kam bërë, sadopak qoftë. Shpresoj t’ua shpërblej me rezultate.”
HYSAJ – “I zoti, shumë i zoti. Djalë serioz, me skrupuj, taktikisht inteligjent, i zoti të të japë ekuilibrat që duhen në mbrojtje, që janë vendimtare”.