Është zhvilluar takimi i parë mes drejtuesve të klubeve dhe Federatës Shqiptare të Futbollit sa i takon Reformës në Sport. Në këtë takim, është paraqitur drafti i FSHF-së me ndryshimet në ligj dhe me rregullat e reja.
Drafti i propozuar nga Federata Shqiptare e Futbollit synon ndryshime dhe përmirësime në Kodin Penal, ndryshime në Ligjin për Sponsorizimet, Ligjin për Tatimin mbi të Ardhurat, Ligjin për TVSH-në, Ligjin për Sportin dhe transferimin e objekteve sportive nga njësitë e qeverisjes vendore tek klubet sportive.