Trajneri i Totenhemit, Maurisio Poçetino, foli para gazetarëve në fund të miqësores kundër Juventusit, ku skuadra e tij mundi kampionët e Italisë me rezultatin 3 – 2 Argjentinasi foli edhe për debutimin me fanellën e “gjelave” të blerjes rekord të klubit, Tangi Ndombele.
“Sigurisht që kur mund një skuadër si Juventusi ekipin ka një atmosferë ku mbizotëron kënaqësia. Gjithsesi në këto miqësore nuk më intereson rezultati. Jam i fokusuar te cilësia e lojës dhe niveli i fitnesit që shfaqin lojtarët”.
DEBUTUESI NDOMBELE – “Ka vetëm një javë që na është bashkuar, por luajti shumë mirë. Procesi i përshtatjes do të jetë i gjatë. Do përballet me një kulturë të re, me një kampionat me një marsh tjetër loje, por kualiteti nuk i mungon, dallohet që në mënyrën se si e ndalon topin dhe ecën me të. Është një lojtar special”.
