Tirana dhe Laçi u ndanë në barazim 1-1, në një sfidë që zgjati plot 99 minuta, ku tensioni ishte kryefjala e ndeshjes. Sentamu në fundin e pjesës së parë dhe Xhixha në fundin e fraksionit të dytë, ishin autorë të golave, me ekipet që ndanë nga një pikë.
Gjithsesi, edhe pas vërshëllimës së fundit të gjyqtarit, duket se tensioni mes lojtarëve ka vijuar përsëri. Në tunelin që të çon drejt dhomave të zhveshjes, ka patur një sherr mes lojtarëve të të dy ekipeve. Shkaqet e përplasjes mes lojtarëve ende nuk dihen.