Transferimi më i bujshëm i merkatos së verës që lamë pas, padyshim ishte ai i Kristiano Ronaldos në drejtim të Juventusit. “Zonja e vjetër” arriti një marrëveshje me Realin e Madritit në bazë të 100 milionë eurove.
Ronaldo shpenzoi tek Real plot 9 sezone, ku fitoi dhe 4 Champions. Pikërisht për çështjen e Ronaldo ka folur presidenti i Real, Florentino Perez. Numri një i madrilenëve ka dhënë dhe një deklaratë mjaft interesante, teksa ka thënë se Ronaldo mund të rikthehet një ditë ne Madrid përsëri.
“Kristiano ka ngelur në zemër të gjithë tifozëve madrilenë padyshim. Në qoftë se do ta shihja sot do t’i jepja një përqafim të madh. Një ditë ai do të rikthehet përsëri në Madrid”, përfundoi presidenti i Real.