Roma mendon që tani për trajnerin që do të pasojë Klaudio Ranierin. Italiani u rikthye te verdhekuqtë pas shkarkimit të Eusebio Di Frannçeskos dhe tashmë në mediat e vendit fqinj kanë nisur zërat e parë të merkatos dhe zbulohet i preferuar i klubit të Serie A.
Sipas Corriere Dello Sport, emri kryesor për ta pasuar Ranierin është tekniku i Atalantës, Xhan Piero Gasperini. Ai po bën mirë me skuadrën në Bergamo dhe nuk duhet harruar që ka një kontratë afatgjatë me klubin aktual.
Gjithsesi Roma e ka në krye të listës së dëshirave. Gasperini nuk është emri i vetëm që po ndiqet, pasi një sy është edhe nga Mauricio Sarri. Ish-trajneri i Napolit është në pikëpyetje për ta vazhduar eksperiencën e tij në Angli me Çelsin dhe verdhekuqtë nëse del i lirë janë gati t’ia bëjnë një ofertë.
