Sulmuesi i Skënderbeut, Dejvi Bregu pësoi një dëmtim të rëndë në miqësoren e zhvilluar dje përballë Tiranës. Edhe pse vetëm një miqësore, trajneri Orges Shehi vendosi ta aktivizojë titullar 23-vjeçarin, i cili u dëmtua.
Sipas analizave të para, mendohej se Bregu do të mungojë për tre muaj, por vetë sulmuesi konfirmoi se do të qëndrojë larg fushave për 3-4 javë. Sot, sulmuesi është operuar me sukses dhe pas operacionit, u shpreh:
“Falënderoj Presidentin Takaj, stafin e klubit, dhe Spitalin Salus që mu gjendën pranë në këtë moment të vështirë. Falënderime pa fund dhe për të gjithë tifozët për mesazhet inkurajuese. Do rikthehem shumë shpejt”,- u shpreh Bregu.
