Borusia Dortmund po kërkon për një sulmues. Ideja e fundit që po qarkullon në kokat e drejtuesve të nënkampionëve të Gjermanisë quhet Patrik Shik. Çeku është i pakënaqur me hapësirat dhe kritikat e marra te verdhekuqtë.
Tratativa për transferimin e 23-vjeçarit në Bundesligë është e komplikuar, pasi Dortmundi synon ta marrë në formë huazimi. Raportet e mira me agjentin e sulmuesit janë diçka pozitive për verdhezinjtë, por Roma kërkon para.
Italianët shpenzuan 42 milionë euro për blerjen e kartonit të Shik, por ky i fundit nuk i ka justifikuar aspak milionat e shpenzuara. Për lojtarin shtatlartë ka interesim edhe nga Franca, me Marsejën dhe Lionin gati për të bindur Romën.