Albi Alla nuk do të jetë më pjesë e Kukësit, ka qenë vetë mbrojtësi që me anë të një njoftimi në llogarinë e tij në “Instagram” ka njoftuar largimin e tij nga verilindorët. 25-vjeçari iu bashkua Kukësit dy sezone më parë dhe luajti një rol kyç në fitimin e titullit.
Te Kukësi Alla arriti dhe të binte në radarin e kombëtares, ku u aktivizua në një miqësore. E ardhmja e Allës pritet të jetë po në kategorinë superior, pasi përflitet se për qendërmbrojtësin është e interesuar skuadra e Flamurtarit, që ka nevojë të menjëhershme ndërhyrje në repartin e prapavijës.