Trajneri i Partizanit, Skënder Gega, ka qenë përballë Orges Shehit në Rubrikën Sportive në RTSH, pasi kolegu i Skënderbeut ishte në lidhje direkte nga Durrësi.
Gega është pyetur në lidhje me humbjen e vetme pësuar këtë kampionat, në Korçë në javën e parë.
“Pashë Skënderbeun me Kukësin, pasi luaja më këta të fundit. Korça është ekip i mirë, kanë lojtarë të rinj dhe me eksperiencë. Të rinjtë kanë qenë aty, kanë cilësi. Nuk do doja ndonjë lojtar nga Skënderbeu. Deri tani anësorët tanë po bëjnë shumë mirë. Unë kam lojtarët e mi. Duhet t’i respektojmë kundërshtarët. Në Korçë nuk ishim aq mirë në sulm, ishim më të zbehtë”.