Barcelona ishte shumë pranë akordit me Adrien Rabiot, por në fund zgjodhi Frenki De Jong si përforcimin e duhur për mesfushën. Francezit të PSG i skadon kontrata në fund të sezonit dhe bisedimet mes agjentes së tij, e cila është dhe nëna e mesfushorit, dhe spanjollëve shkuan shumë mirë, por diçka ngeci në fund.
Siç citon Abdellah Boulma, gazetari francez, Rabiot ka insistuar në përfshirjen e një klauzole të veçantë në marrëveshjen me Barcelonën. Ai ka kërkuar që të mos detyrohet asnjëherë të aktivizohet në rolin e numrit “6” në mesfushën e katalanasve, që mbahet nga Sergio Buskets.
Rabiot është një lojtar, të cilit i pëlqen shumë faza ofensive, liritë taktike dhe “urren” të luajë në pozicionin para mbrojtjes. Diçka e tillë është e papranueshme për çdo klub, aq më tepër për Barcelonën, që ka vendosur të investojë për talentin holandez të Ajaksit dhe të heqë dorë nga Adrien Rabiot.
Le principal point d’achoppement dans la signature du contrat entre #Rabiot et Barcelone réside dans le fait que ce dernier a demandé que soit stipulé une clause qui lui éviterait de jouer en position de «6 »
— Abdellah Boulma (@abdellahboulma) January 9, 2019