Milani e nis me humbje turneun kinez

0

Milani ka zbritur në fushë sot për miqësoren e parë sezonale, për t’u ndeshur në Guangzhu me Borusian e Dortmundit.

Gjermanët luanin miqësoren e tretë dhe më 5 gusht nisin sezonin, me Superkupën e Gjermanisë, ndaj janë qartësisht më përpara me përgatitjet, po të kujtohet se Milani ka vetëm pak ditë që ka nisur stërvitjen.

Përveç kësaj, në miqësoren e parë trajneri Montela luajti pa shumë emra të njohur nga të ardhurit e rinj, duke u dhënë debutimin vetëm mbrojtësit Rodrigez, mesfushorit Kesie dhe sulmuesit Borini.

Dortmundi e nisi fort dhe në minutat 16 e 19 Shahin me gjuajtje nga distanca e Obamejang me penallti shkaktuar nga Paleta shënuan dy gola që gjunjëzuan Milanin, shumë pasiv në fillimin e ndeshjes.

Në minutën e 23-të Baka shkurtoi për kuqezinjtë me një gjuajtje të zgjuar nga jashtë zone, ndërsa në vazhdim ndeshja u bë edhe më e hapur, me dy skuadra që luajtën një futboll shumë sulmues.

Pas pushimit Milani aktivizoi edhe Muzakion dhe Çalhanoglun, por në minutën e 61-të Obamejang përfitoi nga një vendosje e gabuar e mbrojtjes kuqezi dhe shënoi golin e tretë në kundërsulm perfekt për Dortmundin, që siguroi fitoren e dytë në 3 ditë, pas fitores ndaj japonezëve të Urauas.

MILAN-DORTMUND 1-3

Shënues: Baka 23’ / Shahin 16’, Obamejang 19’ p., 61’

MILAN (4-3-3): Storari; Abate (Gomez 63′), Paletta (Musacchio 46′), Zapata, Rodriguez (Antonelli 63′); Kessié, Mauri, Bonaventura (Sosa 63′); Borini, Bacca (Cutrone 63′), Niang.

BORUSIA DORTMUND (4-3-3):  Weidenfeller (Reimann 46′), Zagadou (Durm 63′), Bartra (Subotic 73′), Sokratis, Piszczek (Passlack 46′), Sahin, Castro, Rode, Aubameyang (Schürrle 73′), Dembele (Emre Mor 63′), Pulisic (Isak 74′).

You might also like
Leave A Reply

Your email address will not be published.