Ardhja e Kristiano Ronaldos te Juventusi ka qenë padiskutim një nga transferimet më të goditura gjatë dekadës së fundit dhe të njëjtin mendim ndan dhe shoku i tij i skuadrës, Federiko Bernadeshi.
Sulmuesi ka folur sot për mediat italiane, ku ka zbuluar edhe një detaj shumë interesant për yllin portugez. Sipas Bernadeskit, nga Ronaldo mëson shumë, mjafton ta shikosh te mënyra sesi ecën.
“Ronaldo është një kampion dhe mentaliteti që ka transmetuar te pjesa tjetër e skuadrës është fantastik. Ne mësojmë shumë nga ai, edhe nga mënyra sesi ecën. Shpresoj që të gjithë te kemi vetëbesimin që Ronaldo ka dhe të fitojmë shumë trofe së bashku”,- përfundoi sulmuesi i Juventusit.