Marrëdhëniet midis Iskos dhe Santiago Solarit nuk janë të mira dhe mediat iberike flasin për kohësh për një largim të lojtarit ofensiv nga kryeqyteti spanjoll. Cilësitë e 26-vjeçarit nuk vihen në dyshim, por trajneri argjentinas nuk e preferon shumë për skemat e tij taktike.
Mançester Siti i Guardiolës është një nga klubet më të interesuara për Iskon dhe trajneri spanjoll do e priste më krahë hapur patriotin e tij në ekipin e “qytetarëve”. Por, është vetë lojtari, i cili ka folur për të ardhmen e tij në një prononcim për “Deportes Cuatro”.
“Nuk mendoj të largohem nga Reali në merkaton e janarit, sepse jam i lumtur këtu. Objektivi im është që të vazhdoj të fitoj akoma shumë tituj me ekipin merengues”, thekson Isko.