Nabi Keita, 22 vjeç, supertalent, mesfushor organizator i cili sezonin e fundit mahniti në Bundesligë sezonin e fundit.
Vlera në treg? Para pak vitesh zor se kapte 25 milionë eurot. Sot: RB Lajpcig refuzon 75 milionë euro nga Liverpuli!!!
A është mirë pronari i Lajpcigut, 73-vjeçari Ditrih Mateshic? Nëse dëgjon arsyetimin e tij, është super në rregull.
“Pse ta shes Keitanë? A kemi nevojë për milionat e ofruar? Jo. A duam të tregojmë që vetëm shesim yjet? E si t’u dalim para tifozëve tanë? Pastaj, nuk do ishte e ndershme as kundrejt yjeve të tjerë të skuadrës, si Verner, që ka plot oferta.
“Lojtarët nën kontratë nuk i shesim. Nuk jemi Mançester Siti dhe nuk paguajmë kurrë kontrata milionere. Jemi të pasur, por jo ashtu si mendojnë njerëzit. Pasuria jonë është kryesisht te të rinjtë dhe ndërtesat”.