Kastrati shkëlqen në Itali, Memushaj lider

0

Ledian Memushaj dhe Elhan Kastrati kanë marrë vlerësime pozitive pas ndeshjes që Peskara fitoi kundër Karpit. Mesfushori dhe portieri ishin titullarë dhe bënë paraqitje mjaft të mira. Vlonjati i mesfushës e ndihmoi shumë ekipin e tij.

Pas ndeshjes mediat italiane e kanë vlerësuar me notën 6.5. Mesfushori i është afruar golit, pa ia dalë mbanë. Veçse i dha një ritëm tjetër manovrës sulmuese, Memushaj e ndihmoi skuadrën edhe në mbrojtje dhe vlerësimi për të ka qenë i lartë.

Kastrati ishte nga më të mirët në fushë dhe e justifikoi besimin e stafit teknik. Pak ka luajtur këtë sezon, pasi Fiorilo është titullari dhe mungonte për shkak dëmtimi. Ish-portieri i Teutës është vlerësuar me notën 7. Ai e mbajti katërkëndëshin e tij të paprekur, duke ndalur Jeleniç në disa raste.

You might also like
Leave A Reply

Your email address will not be published.