Kaos total te Junajtid, Sançez kërkon largimin nga skuadra

0

Problemet te Mançester Junajtid nuk kanë fund dhe Zhoze Murinjos i ka dalë situata nga kontrolli. Portugezi ka debatuar me një tjetër lojtar të ekipit dhe kësaj here nuk është Pogba, por Aleksis Sançez.

Trajneri ka vendosur të dërgojë kilianin në tribunë në ndeshjen me Uest Hem, pavarësisht se Sançez ishte në formë të mirë fizike dhe priste të luante. Diçka është thyer mes palëve dhe raporti i tyre ka prekur fundin.

Sulmuesi kilien është i zemëruar nga kjo situatë dhe ka kërkuar largimin nga ekipi në janar. Ai është lojtari më i paguar te Junajtid me një rrogë prej 500 mijë eurosh në javë, gjë të cilën nuk e ka justifikuar deri më tani.

You might also like
Leave A Reply

Your email address will not be published.