Humbja tragjike e sulmuesit argjentinas, Emiljano Sala vazhdon të mbajë në akth të gjithë botën e futbollit. Shumë futbollistë, trajnerë, tifozë dhe klube futbollistike vazhdojnë lutjet e tyre për gjetjen sa më parë të 28-vjeçarit, por shpresat për të sa vijnë e veniten.
Edhe sot, “Guernsey Police” ka kryer kërkimet rutinë për nëntë orë, por asnjë gjurmë të avionit të zhdukur nuk është gjetur. Disa çaste më parë, erdhi dhe njoftimi nga policia, për ndërprerjen e kërkimeve për ditën e sotme.
Po ashtu, më poshtë u njoftua se gjasat për gjetjen e sulmuesit janë ulur ndjeshëm, por kërkimet do të vazhdojnë intensivisht. Gjithashtu, gjatë ditës së sotme, u publikua një lajm në mediat franceze, që sipas tyre kishte një dëshmitar okular në momentin që sipas tij, avioni ka shpërthyer.
Gjithsesi, ky lajm është përgënjeshtruar menjëherë nga “Guernsey Police” dhe sipas tyre, në vendin ku dëshmitari tha se është rrëzuar avioni, nuk është gjetur asnjë gjurmë.
