Juventusi po ushtron presion akoma më shumë për sa i përket nënshkrimit me Federiko Kiezën. Siç raportohet së fundmi në mediat italiane, drejtues të klubit bardhezi kanë pasur një takim me babain e 21-vjeçarit, pikërisht ish-sulmuesin Enriko Kieza.
Sipas raportimeve, thuhet se babai i anësorit të Fiorentinës është bindur për një kalim të të birit në “Allianz Stadium” dhe tashmë mbetet për t’u gjetur gjuha e përbashkët edhe me klubin nga Firence.
Vjollcët kanë deklaruar dhe më parë se nuk do të futen në bisedime pa të paktën 70 milionë euro, me Juventusin që pritet të prezantojë ofertën e parë shumë shpejt.