Mançester Junajtid po bën të pamundurën për të rinovuar me David De Gean. Portieri spanjoll është ndër më të mirët në botë në rolin e tij, ndërsa kontrata me “djajtë e kuq” përfundon verën e ardhshme.
Palët nuk kanë gjetur akordin për zgjatjen e bashkëpunimit deri tani, por Junajtid nuk dorëzohet. Qëllimi i drejtuesve është ta bëjnë 28-vjeçarin gardianin me rrogën më të shtrenjtë në botë dhe janë gati t’i ofrojnë 390 mijë sterlina në javë.
Kontrata pritet të jetë 4-5 vjeçare. Klubi anglez nuk mund t’i lejojë vetes të humbasë me parametra zero një nga pikat kyç të ekipit të Solskjaer dhe po synon t’i plotësojë çdo kërkesë portierit iberik.